Semeı əkimi turǵyndardy baspanalaryna oralýǵa shaqyrdy
SEMEI. QazAqparat - Semeıde sý tasqyny oryn alǵan kezde úıleri sý astynda qalǵan 540 adam evakýatsııalyq oryndarǵa jaıǵasqan bolatyn. Birazy áli kúnge deıin sonda turyp jatyr. Sebebi, búlingen baspanalarynda áli jóndeý jumystary júrgizilýde. Al «Semeı» qonaqúıi men Elektr tehnıkalyq kolledjiniń jataqhanasynda turyp jatqan 77 adamǵa 1 tamyzda oryndaryn bosatý týraly eskertý jasaldy, dep habarlaıdy QazAqparat.
29 naýryzda Semeıde bolǵan sý tasqynynan barlyǵy 540 adam qaýipsiz jerge kóshirilip, evakýatsııalyq pýnktterge ornalastyrylǵan. Olardyń basym kópshiligi qarttar, múmkindigi shekteýli jandar men jańa týǵan nárestesi bar otbasylar. Alaıda olarǵa 1 tamyz kúni oryndaryn bosatý týraly eskertý jasalǵan. Muny estigen turǵyndar narazylyqtaryn bildirip, qala əkiminen máseleni birjaqty etýdi surady.
Búgin qala əkimi Ermak Səlimov Bobrovka saıajaıyna baryp turǵyndarmen kezdesti.
Ol atqarylyp jatqan jumystar barysymen tanysyp, turǵyndardy mazalaǵan suraqtarǵa jaýap berdi.
" Eger úıde júrgizilgen jumystar aıaqtalsa onda turǵyndardan qaıtýdy suraımyz. Sebebi turǵyndardyń jatar orny men tamaǵyna qarajat ákimshilik esebinen emes. Meniń oıymsha, keıbir turǵyndardyń qaıtqysy joq. Barlyq qajettilik bar sondyqtan taǵy tura bereıin deýge bolmaıdy. Óıtkeni biz shyǵyndy uzaq ýaqyt kótere almaımyz",-dedi qala ákimi.
Qonaqúıde turyp jatqan turǵyndardyń barlyǵy úılerine qaıtýǵa daıyn bolǵanmen baspanalarynda jumystar aıaqtalmaǵan. Sondyqtan áli kóshýge ázir emes ekendikterin jetkizdi. Qala əkimi óz kezeginde turǵyndardyń úıleri tolyq jóndelgenshe alańsyz qonaqúıde turatyndaryn jəne barlyq qajettiliktermen qamtylatynyn aıtty.
Qazir búlingen baspanalardy qalypqa keltirý jumystary jalǵasýda. "Sət Trans" jəne "Gordorstroı" merdiger mekemesi barlyq jumystardy jaqyn arada aıaqtaýdy josparlap otyr.
