Semeı qazandyqtary arnaıy tekserýden ótedi
SEMEI. QazAqparat - Jańa jyldan keıin shyǵys qaharyna mingen saryshunaq aıaz Semeı qalasy jylytý jelileri úshin naǵyz synaq boldy. Aıazdyń beti áli qaıtpaǵandyqtan, qala turǵyndary tarapynan shaǵymdar kóbeıip, másele kúrdelene tústi, dep habarlaıdy qalalyq ákimdiktiń baspasóz qyzmeti.
Osy rette, búgin Semeıge qala qazandyqtarynyń jumysyn tekserý úshin ShQO ákiminiń orynbasary Baqytjan Baıahmetov keldi.
Birinshi nysan JEO-1 boldy. Baqytjan Baıahmetovtyń aıtýynsha, Danıal Ahmetovtyń tapsyrmasy boıynsha qurylǵan jumys toby bir apta ishinde jylý tapshylyǵy máselesin sheshetin bolady.
«Bul jumys tikeleı oblys ákiminiń baqylaýynda. Turǵyndardyń osy ótinishterine sáıkes oblys ákiminiń jumys tobyn qurý týraly ókimi shyǵaryldy, ol osy jaǵdaılardy zerttep, qorytyndy shyǵarýy tıis.
Bul jumys bir aptaǵa jalǵasady, oǵan energetıkalyq qadaǵalaý komıtetiniń ókilderi, sondaı-aq monopolııaǵa qarsy departamenttiń ókilderi kiredi. Tıisinshe, osyndaı jumysty monopolııaǵa qarsy komıtet, turǵyn úı-kommýnaldyq sharýashylyq energetıka basqarmasy júrgizedi. Sondaı-aq, munda Óskemen qalasynda jylýmen jabdyqtaýmen aınalysatyn iri kommýnaldyq kásiporyndardyń ókilderi bar. Olar, mamandar retinde, munda da jumystyń bir bóligin ótkizedi. Tehnıkalyq bólikti, sondaı – aq gıdravlıkalyq esepteý boıynsha bólikti qaraıdy – bólý durys júrip jatyr ma jáne t.b.», - dep atap ótti ShQO ákiminiń orynbasary.
Sonymen qatar, Baqytjan Baıahmetov bolashaqta sol jaǵalaýdaǵy qazandyqtardyń profıtsıtin paıdalana otyryp, oń jaǵalaýdaǵy jylý tapshylyǵyn jabý josparlanǵanyn atap ótti.
«Sizder jaqsy bilesizder – Úkimet tarapynan óz ýaqytynda munda JEO-1 qazandyqtaryn jóndeýge, sondaı-aq QR-1 jóndeýge úlken qarajat bólindi. Bul jumystar oryndaldy jáne tıisinshe qazir jabdyq shtattyq rejımde jumys isteýde. Degenmen, úılerdi jylytý boıynsha problemalar bar. Bul nemen baılanysty biz munyń bárin esepteý arqyly anyqtaýymyz kerek. Jalpy alǵanda, bolashaqta sol jaǵalaýdyń jylý energııasynyń profıtsıtin oń jaǵalaýǵa paıdalanatyn bolamyz. Óıtkeni jylý energııasynyń jetispeýshiligi alańdatarlyq jaıt. Biz buǵan jol bermeýiz kerek», - dedi Baqytjan Baıahmetov.
Buǵan deıin turǵyn úı-kommýnaldyq sharýashylyq bóliminiń basshysy Amantaı Ótelbaev sýyq páterlerdiń negizgi problemasy kóptegen kópqabatty úılerdiń ázirlik pasporttaryn merziminde tapsyrmaǵandyǵynda.
Komıssııa 1-JEO qazandyqtaryn, Ǵabbasova, 103-103a, Ortalyq, 35 kvartal qazandyqtaryn jáne jylý jelilerin tekserdi.
2020-2021 jyldarǵy jylytý maýsymyn turaqty rejımde aıaqtaý úshin Ǵabbasov qazandyǵynda 2 jylý almastyrǵysh ornatylýda, bul jelilik sýdyń temperatýrasyn arttyrýǵa múmkindik beredi. 103-103a qazandyǵynda jylý almastyrǵysh aýystyrylady, №1 st.qazandyǵy jumysqa qosylady, №3 (103) st. qazandyǵy jóndeledi. Sondaı-aq, týrbogeneratordy iske qosý arqyly 1-JEO qorektik sorǵyny aýystyrý júrgizilýde.
Aldyn ala esepteýler jasaı otyryp, kórsetilgen 4 qazandyqta eń joǵary qýatty qamtamasyz etý shartymen 2021-2022 jj. jylytý maýsymyn turaqty ótkizý úshin 2021 jylǵy jóndeý naýqanyna arnalǵan birinshi kezektegi is-sharalar tizbesi jasalatyn bolady.
