Semeı qalasynyń sáýlet bólimi basshysy para aldy dep aıyptalýda

SEMEI. QazAqparat - Semeı qalasynyń sáýlet jáne qala qurylysy bóliminiń basshysy para aldy dep aıyptalýda, dep habarlaıdy QazAqparat QR Sybaılas jemqorlyqqa qarsy is-qımyl agenttigine silteme jasap. 

«Shyǵys Qazaqstan oblysynyń sybaılas jemqorlyqqa qarsy qyzmeti «Semeı qalasynyń sáýlet jáne qala qurylysy bólimi» MM basshysyna qatysty sybaılas jemqorlyq qylmys jasady degen kúdik boıynsha sotqa deıingi tergeýdi bastady», delingen habarlamada.

Ol jerge ornalastyrý jobasyna qol qoıǵany úshin azamattan 200 myń teńge somasynda para aldy degen kúdikke ilingen. «Sheneýnikke qatysty protsessýaldyq ustaý onyń kinásin moıyndaýyna jáne kelý týraly kelip túsken mindettemege baılanysty qoldanylǵan joq. Kúdiktige qatysty túpkilikti sheshimdi onyń kinásiniń deńgeıin anyqtaý arqyly sot qabyldaıtyn bolady», delingen habarlamada.