Semeı qalasynyń ákimdigi 170 jańa avtobýs satyp almaq
ÓSKEMEN. QazAqparat - Semeı qalasyna jergilikti zaýyt qurastyrǵan 170 jańa avtobýs satyp alynady, dep habarlaıdy QazAqparat tilshisi.
Shahardaǵy qoǵamdyq kólikterdi jańalaý maqsatynda jergilikti «SemAZ» zaýytynan 170 jańa kólik satyp alynbaqshy.
Jobany «RBK Lızıng» kompanııasy qarjylandyrady. Oblys bıýdjetinen alǵashqy jarna retinde 620,2 mln teńge bólinbek. Jobanyń jalpy quny - 4,135 mlrd teńge. «RBK Lızıng» usynǵan 3,5 mlrd teńgeni «Semey Bus» JShS jeti jyldyń ishinde qaıtarýy tıis. Atalmysh qarajatqa 40 mln. teńge turatyn 30 avtobýs, 29 mln. teńge turatyn 80 avtobýs, 10,2 mln teńge turatyn 60 avtobýs alynady.
«Qaladaǵy qoǵamdyq kólik sharýashylyǵyn jańǵyrtý úshin «Semey Bus» JShS-in qurdyq. Onyń 49 paıyzyna qala ákimdigi ıelik etetin bolady. Qalǵan 51 paıyzy jeke menshikke tıesili. Satyp alynatyn avtobýstyń bári «Daewoo» markaly jergilikti óndiris ónimderi» - deıdi qala ákimi Ermak Sálimov.
