Semeı qalasynyń 2035 jylǵa deıingi bas jospary jasalady
Memleket basshysy Qasym-Jomart Toqaevtyń tapsyrmasyna sáıkes Semeı qalasy Astana, Almaty, Shymkent jáne Aqtóbe sııaqty saýda-logıstıka, ınvestıtsııa ortalyǵyna aınalyp, ómir súrýge yńǵaıly qala bolýǵa tıis.
Osy oraıda Abaı oblysynyń ákimi Nurlan Uranhaev 2035 jylǵa deıingi damý kezeńin qamtıtyn Semeı qalasynyń bas josparyn daıyndaýdy qala ákimdigi men salalyq basqarma basshylaryna tapsyrdy.
«Semeıdiń geografııalyq jaǵdaıy onyń joǵary tranzıttik áleýetke ıe bolý múmkindigin, sondaı-aq ony Pavlodar-Semeı-Óskemen ónerkásip beldeýiniń ınnovatsııalyq ortalyǵy retinde qarastyrýǵa múmkindik beredi.
Semeı – mádenı-tarıhı mańyzǵa ıe qala. Sondaı-aq jańa mártebe ala otyryp, Semeı bolashaqta elimizdiń kreatıvti qalalarynyń birine aınalýy múmkin. Semeı qala keńistigin josparlaýdyń zamanaýı tásilderin paıdalanǵan kezde Soltústik-Shyǵys jáne Shyǵys Qazaqstan halqy úshin tartylys núktesine aınalady», - delingen ákimdik málimetinde.
Foto: gov.kz
