Semeı qalasyndaǵy agroónerkásiptik ınspektsııa taratylýy múmkin
«Osy qaýlynyń qosymshasyna sáıkes tizbe boıynsha Qazaqstan Respýblıkasy Aýyl sharýashylyǵy mınıstrligi Agroónerkásiptik keshendegi memlekettik ınspektsııa komıtetiniń qaramaǵyndaǵy memlekettik mekemeler taratylsyn», - delingen «Ashyq» NQA portalynda jarııalanǵan Úkimet qaýlysynyń jobasynda.
Qujatqa qosymsha berilgen túsindirmege saı, ınspektsııa Abaı oblysynyń qurylýyna jáne atalǵan vedomstvonyń sol óńir quzyretine berilýine baılanysty taratylmaq.
«Bóliný barysynda Semeı qalalyq aýmaqtyq ınspektsııasynyń búkil quramy Abaı aýdany boıynsha oblystyq aýmaqtyq ınspektsııaǵa aýystyryldy. Osylaısha, Semeı qalalyq aýmaqtyq ınspektsııasyn taratý máselesi ashyq kúıinde qaldy. Óıtkeni, Semeı qalalyq aýmaqtyq ınspektsııasynyń jeke BSN-sy bar, soǵan baılanysty deklaratsııalar men statıstıkalyq esepterdi tapsyrady. Osyǵan baılanysty «Agroónerkásiptik keshendegi memlekettik ınspektsııa komıtetiniń Semeı qalalyq aýmaqtyq ınspektsııasyn» taratý qajet», - dep túsindirme berilgen qaýlyǵa.
Qujat 12 mamyrǵa deıin kópshilik talqylaýda bolady.
