Semeı qalasynda jalǵan polıtseı ustaldy
SEMEI. QazAqparat – Semeı qalasynda jalǵan polıtsııa qyzmetkeri ustaldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, alaıaqtyń arbaýyna túsken 47 jastaǵy áıel polıtsııaǵa aryz jazǵan.
Osy jyldyń shilde aıynda «Oppo» markaly uıaly telefonyn joǵaltyp alǵan ol bul jaıly jaqyn tanymaıtyn Farhat esimdi azamatqa aıtqan. Er adam óziniń polıtsııa qyzmetkeri ekenin alǵa tartyp, joǵalǵan telefondy tezirek tabýǵa ýáde berdi.
Jalǵan polıtseı óz qyzmetin jeti myń teńgege baǵalaǵan. Alaıda aqshany alǵannan keıin er adam telefon qońyraýyna jaýap bermeı, múlde joǵalyp ketti.
«Jedel-izdestirý sharalary barysynda polıtsııa qyzmetkerleri buryn sottalǵan jumyssyz 23 jastaǵy qala turǵynyn ustady. Jaýap alý kezinde ol kinásin moıyndap, aqshany jeke qajettilikterine jumsaǵanyn aıtty», - deıdi ShQO PD bastyǵy Saǵat Mádıev.
Tergeý barysynda onyń quqyq qorǵaý organdaryna eshqandaı qatysy joq ekendigi anyqtaldy.
Qazirgi ýaqytta atalǵan fakti boıynsha QR Qylmystyq kodeksiniń 190-baby 1-bóligimen sotqa deıingi tergeý amaldary júrgizilýde.
