Semeı qalasynda órt kezinde áıel adam qutqaryldy

SEMEI. QazAqparat - Semeı qalasynda órt kezinde qutqarýshylar áıeldi evakýatsııalap, gaz ballonyn shyǵardy, dep habarlaıdy QazAqparat Shyǵys Qazaqstan oblysy TJD baspasóz qyzmetine silteme jasap.

«10 qyrkúıekta saǵat 13:31-de Vostochnyı pravyı kóshesindegi turǵyn úıde órt shyqqan. Qutqarýshylar kelgenge deıin úı turǵyndary páterinen óz betinshe shyǵyp ketken. Órt sóndirýshiler shaqyrý ornyna kelgennen keıin órt shyqqan páterdiń zalynda jalpy aýdany 5 sharshy metr aýmaqty jalyn sharpyp, dıvan órtendi. Qutqarýshylar bir áıeldi evakýatsııalady. Sondaı-aq, syıymdylyǵy 27 lıtr bolatyn 1 gaz ballony tabyldy jáne syrtqa shyǵaryldy», delingen habarlamada.

Qazirgi boljam boıynsha, órt elektr jabdyqtaryn paıdalaný kezinde órt qaýipsizdigi erejesin saqtamaýdan shyqqan.