Semeı qalasynda qatyp úlgermegen ózen muzy opyrylyp, eki bala batyp ketti
ASTANA. Qarashanyń 17-si. QazAqparat - Keshe Semeı qalasynda qatyp úlgermegen ózenniń betki muzy opyrylyp, ústinde oınap júrgen eki bala batyp ketti,
dep habarlaıdy QazAqparat Tótenshe jaǵdaılar mınıstrliginiń baspasóz qyzmetine silteme jasap.
Ekeýi de 2002 jyly týǵan jetkinshekter. Bireýiniń denesi sýdan shyǵaryldy. Ekinshisin izdestirýge sýda qutqarý qyzmetiniń kúshi jumyldyrylǵan.
Al Batys Qazaqstan oblysynda Zelenov aýdanynyń Shaǵan ózeniniń ústinde 17 jolaýshysy bar parom aýdaryldy.Olardyń arasynda jeti bala bolǵan. Abyroı bolǵanda,adam ólimi oryn alǵan joq jáne eshkim zardap shekpedi.
