Semeı qalasyn damytýǵa 260 mlrd teńge bólinedi
«Memleket basshysy Qasym-Jomart Toqaev Semeıge tarıhı ortalyq mártebesi beriletinin aıtqan edi. Alashtyń rýhanı astanasyn damytý maqsatynda keshendi jospar ázirlengen. 5 jyl kóleminde iske asatyn bul jobaǵa 260 mlrd teńge jumyldyrylady. Buryn-sońdy osy qalaǵa mundaı aýqymdy qarjy bólinbegen. Sondyqtan shahar gúldenip, turǵyndardyń ómir sapasy jaqsaratyny sózsiz», - dedi Danıal Ahmetov halyq aldyndaǵy esep berý kezdesýinde.
Aımaq basshysynyń sózine sensek, keshendi jospar aıasynda 7 baǵyttaǵy 56 shara iske asyrylady. Atap aısaq, kásipkerlikti, agroónerkásiptik keshendi, turǵyn úı qurylysy men ınjenerlik kommýnıkatsııalyq ınfraqurylymdy, áleýmettik salany jáne kólik ınfraqurylymyn damytý baǵyttary qamtylady.
Esterińizge sala ketsek, osyǵan deıin QR Prezıdenti Semeı qalasyna tarıhı ortalyq mártebesi beriletinin aıtqan bolatyn.
