Semeı qalasy ákiminiń jańa orynbasary taǵaıyndaldy
SEMEI. KAZINFORM – Semeı qalasy ákiminiń orynbasary bolyp Azamat Salımbaev taǵaıyndaldy.
Azamat Serikboluly 1985 jyly Abaı oblysy Besqaraǵaı aýdanynda dúnıege kelgen. 2007 jyly H.Dosmuhamedov atyndaǵy Atyraý ýnıversıtetin «Ekonomıka», 2024 jyly QR Prezıdenti janyndaǵy Memlekettik basqarý akademııasy «Ekonomıka» magıstri retinde támamdady.
Eńbek jolyn 2007 jyly Atyraý oblysy Energetıka jáne kommýnaldyq sharýashylyq departamentinde qarjy bóliminiń bas mamany retinde bastady.
2008-2014 jyldary Qazaqstan Respýblıkasy Ekonomıka jáne bıýdjettik josparlaý mınıstrliginde kólik, ónerkásip jáne otyn-energetıka salasyndaǵy bıýdjettik josparlaý baǵytynda sarapshy, bas sarapshy jáne basqarma basshysy qyzmetterin atqardy.
2014-2020 jyldary Qarjy mınıstrliginiń qurylymdarynda otyn-energetıkalyq keshenniń bıýdjetin josparlaý salasynda basqarýshylyq qyzmette boldy.
2020-2025 jyldary Atyraý oblysy ákimdiginde birqatar jaýapty laýazymdy atqardy. Atap aıtqanda, Ekonomıka jáne bıýdjettik josparlaý basqarmasyn, Qarjy basqarmasyn jáne Memlekettik satyp alý jáne kommýnaldyq menshik basqarmasyn basqardy.
Eske salsaq, osyǵan deıin Іlııas Baǵdáýletovtiń Astana ákiminiń orynbasary bolyp taǵaıyndalǵany jaıly jazǵanbyz.