Semeı qalasy ákimine jańa orynbasar taǵaıyndaldy
SEMEI. KAZINFORM — Semeı qalasy ákiminiń orynbasary qyzmetine Bahtııar Topaev taǵaıyndaldy.
Ol 1983 jyly Aqmola oblysynda dúnıege kelgen. 2007 jyly Qaraǵandy memlekettik tehnıkalyq ýnıversıtetin «Standarttaý jáne sertıfıkattaý» mamandyǵy boıynsha támamdasa, 2016 jyly Sh. Ýálıhanov atyndaǵy Kókshetaý memlekettik ýnıversıtetin «Quqyqtaný» mamandyǵy boıynsha bitirgen.
Eńbek jolyn 2008 jyly Astana qalasynyń Saryarqa aýdany ákiminiń apparatynda esep júrgizý jónindegi tehnık qyzmetker retinde bastaǵan. 2010-2012 jyldary bas maman, keıin abattandyrý bóliminiń basshysy qyzmetterin atqardy.
2013-2017 jyldary abattandyrý bólimin basqaryp, aýdan aýmaǵyn sanıtarlyq tazalaý jáne kútip-ustaý máselelerine jetekshilik etti. 2017-2019 jyldary Saryarqa aýdany ákiminiń apparaty janyndaǵy abattandyrý jáne qoǵamdyq keńistikterdi damytý bólimin, al 2019-2020 jyldary aýdan ákimdiginiń bas ınspektory qyzmetin atqardy.
2020 jyldyń qazan aıynan 2025 jyldyń mamyr aıyna deıin Almaty aýdany ákiminiń apparaty janyndaǵy abattandyrý bóliminiń basshysy boldy. 2025 jyldyń mamyr aıynan bastap taǵaıyndalǵanǵa deıin Semeı qalasynyń turǵyn úı-kommýnaldyq sharýashylyq bólimine jetekshilik etti.
Buǵan deıin ShQO Jolaýshy kóligi jáne avtomobıl joldary basqarmasyna jańa basshy taǵaıyndalǵanyn habarlaǵan bolatynbyz.