Semeı qalalyq Mádenıet jáne tilderdi damytý bólimi «Memlkettik til- memlekettik qyzmette» atty konkýrs ótkizdi

dep habarlady Semeı qalalyq ІІB baspasóz qyzmeti.

Konkýrsqa «Shyǵys» aımaqtyq áskerı bólimi, salyq komıteti, Shekara qyzmeti № 2098 áskerı bólimi men Semeı qalalyq Іshki ister basqarmasynyń komandalary qatysty. Konkýrstyń maqsaty memlekettik qyzmetshilerge memlekettik til saıasatyn nasıhattaý, mamandardyń is júrgizýdegi biliktiligi men tájirıbesin saraptaý, til mádenıetin ornyqtyrý, memleketitk tilde is júrgizýdiń sapasyn arttyrý bolyp tabylady. Konkýrs aldynda oǵan qatysýshylarǵa ózderiniń tilekterin bildirgen Mádenıet jáne tilderdi damytý bóliminiń bastyǵy Qusmılıa Nurqasym elimizde Prezıdent pen Úkimettiń memlekettik tildi oqý men damytýǵa úlken kóńil bólip jatqandyǵy týraly aıta kelip, qatysýshylarǵa osy is-sharada jeńiske jetýlerin tiledi.

Bes týrdan turatyn basekede baıqaýǵa qatysýshylarǵa ózderin tanystyrý, memlekettik tilde basqarý jumysy men is júrgizýge qatysty qujattardy (qaýly, sheshim, buıryq jáne t.b.) júrgizý, jumys barysyndaǵy taldaý, saraptaý, baıandama jasaý, resmı sóz sóıleý, oǵan pikirler men usynystar aıtý, memlekettik tildi qoldaný maqsatyndaǵy kompıýterlik baǵdarlamalarǵa qatysty biliktiligi men jobalaryn kórsetý, orys tilindegi termınderdiń qazaqsha balamasyn aıtý sııaqty birqatar talaptar qoıylǵan. Osyǵan qaraı baıqaýǵa qatysqan barlyq komandalar berilgen tapsyrmany oryndap shyqty. Sondaı-aq shara barysynda slaıdtar kórsetilip, án aıtyldy.

Konkýrs sońynda qazylar alqasynyń tóraǵasy Semeı pedagogıkalyq ınstıtýty fılologııa ǵylymynyń doktory Qınaıat Shaıahmetov barlyq qatysýshylarǵa alǵysyn bildirip, jeńimpazdardy jarııalady. Birinshi oryndy «Shyǵys» aımaqtyq áskerı bólimi, ekinshi oryndy Shekara qyzmeti № 2098 áskerı bólimi, úshinshi oryndy Semeı qalalyq ІІB komandasy aldy. Barlyq qatysýshylarǵa syılyqtar men gramotalar tapsyryldy.