«Semeı» fýtzaldan UEFA Chempıondar lıgasynyń negizgi kezeńin sátti bastady

ASTANA. KAZINFORM - Qazaqstandyq «Semeı» komandasy fýtzaldan UEFA Chempıondar lıgasynyń negizgi kezeńindegi alǵashqy oıynyn ótkizdi. 

Semeılik klýb birinshi týrda Chehııanyń «Hrýdım» klýbymen sheberlik baıqasty. Qazaqstandyq komanda sapynan Kandıdo Dos Santos 6, 22, 27, Brýno Gomes 10, 19, Shyńǵys Esenamanov 21, Kamıl Gereıhanov 23, Marselo 25, Ábdirasýl Ábdýmanapuly 39-mınýtta mergendik tanytty. Oǵan chehııalyq komanda bes golmen jaýap qaıyrdy.

Osylaısha semeılik klýb qarsylasynan 9:5 esebimen basym túsip, alǵashqy oıynda jeńiske jetti.

Aıta ketsek, olar úshinshi topta chehııalyq klýbtan basqa «Palma» (Ispanııa) jáne «Etýal» (Frantsııa) klýbtarymen kezdesedi. Endi semeılik komanda 29 qazanda «Hrýdım», 30 qazanda «Etýal», 1 qarashada «Palma» komandasymen sheberlik baıqasady.

Barlyq oıyn Ispanııada «Palma» klýbynyń alańynda ótip jatyr.

Sondaı-aq elimizdiń atynan atalǵan týrnırde almatylyq «Qaırat» tórtinshi topta synǵa túsedi. Qarsylastary – «Sportıng» (Portýgalııa), «Prıshtına» (Kosovo) jáne «Novo Vrıeme» (Horvatııa).

Aldymen almatylyq komanda 29 qazanda «Novo Vrıeme» komandasymen ózara myqtyny anyqtaıdy. Oıyn «Qazsport» telearnasynan Qazaqstan ýaqytymen 23:50-de tikeleı efırde kórsetiledi.

29 qazan men 1 qarasha aralyǵynda josparlanǵan kezdesýler Horvatııadaǵy Makarska qalasynda ótedi.