«Semeı» fýtzaldan Chempıondar lıgasynda «Etýal» komandasynan jeńildi

ASTANA. KAZINFORM — Qazaqstandyq «Semeı» fýtzaldan UEFA Chempıondar lıgasynyń ¼ fınaldyq kezeńindegi alǵashqy oıynyn sátsiz ótkizdi.

Olar birinshi oıynda syrt alańda Frantsııanyń «Etýal» klýbymen sheberlik baıqasty.

Kezdesý basynan qazaqstandyq komanda belsendiligi baıqaldy. Olardyń qatarynan nebári 38 sekýndta Brýno Gomes esep ashsa, 2-mınýtta Kaıo Torres basymdyqty arttyrdy.

Oıynnyń 9-mınýtynda «Etýal» sapynan Bılal Bakkalı esep aıyrmasyn qysqartsa, odan keıin qaıtadan «Semeı» sapynan Brýno Gomes 12-mınýtta mergendik tanytty. 

Ekinshi kezeńde qazaqstandyq komandadan Pedrıno 24-mınýtta gol soqsa, frantsııalyq klýbtan Bılal Bakkalı 33, 59, Abdessamad Mohammed 56, Sýfıan El-Mesrar 58-mınýtta óz múmkindigin múlt jibergen joq. 

Osylaısha «Semeı» qarsylasyna 4:5 esebimen ese jiberdi.

Aıta ketsek, jarystyń atalǵan satysyndaǵy birinshi kezdesýde almatylyq «Qaırat» óz alańynda Ispanııanyń «Kartahena» komandasyna 1:2 esebimen ese jiberdi.

Qarymta oıyndar 6 naýryzǵa belgilengen.

Fınal 2026 jyldyń mamyr aıynda Italııanyń Pesaro qalasynda ótedi. Onda tórt komanda sheberlik baıqasady. Aldymen jartylaı fınal bolsa, odan keıin fınal men 3-oryn úshin oıyndar ótkiziledi.