«Semeı» — fýtzaldan 2025 jylǵy Qazaqstan kýbogynyń ıegeri

ASTANA. KAZINFORM — «Semeı» fýtzaldan 2025 jylǵy Qazaqstan kýbogy ıegeri atandy.

Semeılik klýb fınalda almatylyq «Qaırat» komandasymen sheberlik baıqasqan edi. Oıyn barysynda olardyń belsendiligi baıqaldy. Olardyń qatarynan Kaıo Torres 3, 19, Dedezıno 16, Kandıdo 22, Dáribaı 36-mınýtta mergendik tanytsa, oǵan almatylyq klýbtan Dener 24-mınýtta bir golmen jaýap qaıyrdy. 

Osylaısha «Semeı» qarsylasynan 5:1 esebimen basym túsip, óz tarıhynda alǵash ret Qazaqstan kýbogyna ıe boldy.

2024 jyly eki komanda Qazaqstan kýbogy fınalynda sheberlik baıqasqan edi. Ol joly almatylyq klýb jeńis tuǵyryna kóterilip, atalǵan qarsylasynan 5:3 esebimen basym tústi.

Aıta ketsek, jartylaı fınalda «Qaırat» Rýdnyıdyń «Aıat» komandasyn 3:0, «Semeı» «Aqtóbeni» 5:2 esebimen jeńgen edi.

Qazaqstan kýbogy 1996 jyldan beri turaqty túrde ótkizilip keledi. Sodan beri «Qaırat» on toǵyz márte kýbokty tóbesine kóterse, olardan basqa qaraǵandylyq «Tulpar», aqtaýlyq «Munaıshy», «Aqtóbe» jáne ózge klýbtar jeńimpaz boldy.