«Semeı» Chempıondar lıgasynda ekinshi jeńisine jetti
ASTANA. KAZINFORM - Búgin qazaqstandyq «Semeı» klýby fýtzaldan UEFA Chempıondar lıgasy A jolynyń negizgi kezeńinde kezekti oıynyn ótkizdi.
Semeılik klýb úshinshi kezdesýinde Shveıtsarııanyń «Mınerva» komandasymen sheberlik baıqasty.
Kezdesý barysynda 15-mınýtta shveıtsarııalyq ujymnan Domenıko Kostamanıa óz komandasyn alǵa shyǵardy. Odan keıin «Semeı» sapynan Dedezıno penaltıden múlt ketken joq. Oıynnyń 19-mınýtynda Birjan Orazov qazaqstandyq komandanyń basymdyǵyn arttyrdy.
Ekinshi kezeńde olardyń qatarynan Gabrıel Kandıdo 22, 32-mınýtta qos goldyń avtory atansa,. Nýrsýltan Pııaly 40-ı mınýtta qorytyndy esepti belgiledi.
Osylaısha «Semeı» qarsylasynan 6:1 esebimen basym tústi.
Aıta keteıik, qazirge deıin semeılik klýb Slovakııanyń «Lýchenets» komandasyn 6:0 esebimen qapy qaldyrsa, «Barselonaǵa» 1:6 esebimen ese jiberdi.
Sondaı-aq búgin qazaqstandyq «Qaırat» 31 qazannan 1 qarashaǵa qaraǵan túni Qazaqstan ýaqytymen 00:30–da Belgııanyń «Anderleht» komandasymen kezdesedi. Olar buǵan deıin Latvııanyń «Beıtar» klýbyn 5:3 esebimen jeńse, «Anderleht» atalǵan komandany 6:0 esebimen tize búktirdi.
Jarys erejesine sáıkes árbir toptan alǵashqy úshtikte turǵan komandalar pleı-off satysyna shyǵady. Byltyr «Semeı» men «Qaırat» pleı-off satysynda synǵa túsýge múmkindik alǵan edi.
