Semeı-Borodýlıha tas jolynda kólik apatynan áıel adam qaza tapty
ÓSKEMEN. QazAqparat - Semeı-Borodýlıha tas jolynyń 27 shaqyrymynda júrgizýshi kólikti durys basqara almaı, «Aýdı» kóligi aýdaryldy. Apattan alǵan jaraqat saldarynan 40 jastaǵy áıel oqıǵa ornynda kóz jumdy, taǵy úsh jolaýshy jaraqattandy.
Jýyrda Qurshym aýylynyń mańynda da osyndaı oqıǵa oryn alǵan. Munda aýdarylǵan kóliktiń júrgizýshisi bas jaraqatymen aýrýhanaǵa túsken edi.
Polıtsııa ınspektory Aqgúl Atýdınova habarlaǵandaı, sońǵy 4 aıda óńirde 33 kólik aýdarylǵan, onda 9 adam qaza tapty jáne 34 azamat jaraqattandy. Bul ótken jylǵy trassadaǵy jol-kólik apaty kórsetkishinen 7 paıyzǵa artyq.
Sońǵy tórt aıda oblysta bolǵan jol-kólik apatynan qaza tapqandardyń jalpy sany 46 adamdy, al jaraqattanǵandardiki 391 adamdy qurady. Joldaǵy ólim kórsetkishi 12 paıyzǵa artqan.
