Semeı Bıoortalyǵyna shyǵynsyz energotehnologııalar engiziledi
SEMEI. QazAqparat - Semeıdegi oblystyq Balalar bıologııalyq ortalyǵy tıimdi energııa tehnologııalaryn engizý jobasy boıynsha pılottyq alań retinde tańdalyp otyr. Bul týraly Bıoortalyq dırektory Valerıı Dıadov málim etti, dep habarlaıdy QazAqparat Semeı aqparattyq ortalyǵyna silteme jasap.
Valerıı Dıadovtyń aıtýynsha, joba aıasynda Bıoortalyq aýmaǵynda agrotalshyq, kún-sý kollektory ornatylatyn bolady. Sondaı-aq, mekemede barlyq shamdar aýystyrylyp, jylyjaılarda fıtodıodty shamdar iske qosylady.
Al Qoǵamdyq mańyzy bar bastamalardy damytý qorynyń ókili Ermek Májitovtiń sózinshe, kún-sý kollektory qarjylyq shyǵyndy qajet etpeıdi.
«Bıologııalyq ortalyq balalar men turǵyndar arasynda ekologııalyq mádenıet pen bilim berýdi belsendi nasıhattaıdy. Sol sebepti tańdaý osy mekemege tústi. Kún-sý kollektory - energııanyń balamaly kózi. Bul jabdyq mekeme bıýdjetine eshqandaı júk túsirmeıdi. Kollekter energııa jınaý arqyly Bıoortalyqta jyl boıy ystyq sý bolady», - dedi ol.
Tıimdi energııa tehnologııalaryn engizýden bólek, Bıoortalyq bazasynda oqytý trenıngteri ótedi. Joba 2020 jyldyń qazan aıyna deıin jalǵasady. BUU ǴEQ shaǵyn granttar baǵdarlamasy aıasyndaǵy jobany Qoǵamdyq mańyzy bar bastamalardy damytý qory júzege asyrady.
