Semeı avtoparki 50 jańa avtobýspen tolyqty
Kólik reformasyn júzege asyrý aıasynda qaladaǵy qoǵamdyq kólikti jańartý isi jalǵasyp jatyr. Búgin yńǵaıly ári jaıly qoǵamdyq kóliktiń 18-i jolǵa shyqty. Taǵy 11 avtobýs sońǵy daıyndyq kezeńinen ótýde.
Jańa avtobýstar 18 orynǵa eseptelgen. Olar 25, 28, 39-baǵyttar boıynsha, jalpy 14 baǵytta turǵyndarǵa qyzmet kórsetedi. Sonymen qatar, aıazdy kúnderi jolaýshylar jaılylyǵy úshin kólikterde qosymsha peshter ornatylmaq. Jyl sońyna deıin «Taksomotor parki» JShS taǵy 30 avtobýs satyp alýdy josparlap otyr.
«Semeı qalasynyń ákimi Ermak Sálimov qala turǵyndary men qonaqtaryna qolaıly bolýy úshin avtobýs parkterin jańartý qajettigin birneshe ret atap ótken bolatyn. Bir avtobýstyń quny - 10 mıllıon teńgeden asady. Barlyq avtobýs jergilikti «SemAz» avtoqurastyrý zaýytynan satyp alyndy», - deıdi «Taksomotor parki» JShS atqarýshy dırektory Vladımır Halın.
