Semeı avtobýstarynda jolaýshylar sany eki ese azaıǵan
SEMEI. QazAqparat – Semeı qalasyndaǵy qoǵamdyq kólikter ár reıs saıyn dezınfektsııalanýda, dep habarlaıdy QazAqparat.
Ár reısten soń jolaýshylar ustap turatyn tutqalar, oryndyqtar, esik pen terezeler jáne valıdatorlar hlor eritindisi bar qospamen zalalsyzdandyrýda. Bul týraly «Semey Bus» JShS dırektorynyń orynbasary Áset Qalıǵojın málim etti.
«Kún saıyn jelige shyǵar aldynda júrgizýshiler men kondýktorlarǵa maska, qolǵap jáne jýǵysh quraldar beriledi. Dezınfektsııalaý tek jolǵa shyǵar aldynda ǵana emes, avtobýs sońǵy aıaldamaǵa kelgende, ıaǵnı ár aınalymnan keıin júrgizilip otyrady», - dedi ol.
Tótenshe jaǵdaı rejimine baılanysty Semeıdegi qoǵamdyq kólikte jolaýshylar sany eki ese azaıyp ketken. Osyǵan baılanysty avtobýstar qozǵalysy demalys kúnderindegi keste boıynsha júrýde.
Aıta keteıik, kún saıyn jelide 180-ge jýyq avtobýs jumys isteıdi.
