Semeı áýejaıynyń ushý-qoný jolaǵyn sý basqandyqtan barlyq áýe reısteri toqtatyldy
ASTANA. QazAqparat - Semeıde ushý-qoný jolaǵyn sý shaıyp ketkendikten, barlyq áýe reısteri toqtatyldy, dep habarlaıdy «QazAqparat» HAA tilshisi.
Semeı áýejaıynda ushý-qoný jolaǵynyń betondy jabyndylaryna jóndeý jumystary júrgizilip jatyr. Osyǵan oraı búgin barlyq áýe reısteri toqtatyldy.
«Bul jańbyrdyń saldarynan bolyp turatyn jaǵdaı. Basqadaı búlingen eshteńe joq. Kepkennen keıin áýejaı jumysyn qaıta jalǵastyrady», - dep túsindirdi áýejaı qyzmetkerleri. Sondaı-aq, áýejaı qyzmetkerleri Semeı áýe aılaǵynyń reısteri búgin 17.00-ge qaraı retke keltiriletindigine ýáde etti.
