Semeı áýejaıyna Muhtar Áýezovtiń esimin berýge bolady - Danıal Ahmetov
ÓSKEMEN. QazAqparat -Shyǵys Qazaqstan oblysynyń ákimi Danıal Ahmetovtiń turǵyndar aldynda esep berýi kezinde jas aqyn Mereı Qart Semeı áýejaıyna elge esimi belgili tulǵalardyń biriniń esimin berý jóninde usynys jasady, dep habarlaıdy QazAqparat tilshisi.
ShQO ákiminiń aıtýynsha, Semeıde Abaıdyń aty berilgen nysandar jeterlik Abaı mýzeıi, Abaı teatry, Abaı kitaphanasy bar. Onyń ústine «Abaı Arena» mádenı-sporttyq kesheni salynyp jatyr.
«Usynys óte oryndy. Bul rette biz jerlesimiz uly jazýshy Muhtar Áýezovtiń esimine nazar aýdarýymyz kerek sııaqty»- dedi Danıal Ahmetov.
