Semeı áýejaıyna Áýezovtiń esimi berilýi múmkin
ÓSKEMEN. QazAqparat -Shyǵys Qazaqstan oblysynyń ákimi Danıal Ahmetovtiń halyqpen eseptik kezdesýinde jas aqyn Mereı Qart Semeı áýejaıyna elge belgili jerlesterimizdiń biriniń esimin berýdi usyndy, dep habarlaıdy QazAqparat tilshisi.
ShQO ákiminiń aıtýynsha, Semeıde Abaıdyń aty berilgen nysandar jeterlik - Abaı mýzeıi, Abaı teatry, Abaı kitaphanasy bar. Onymen birge, «Abaı Arena» mádenı-sporttyq kesheni salynyp jatyr.
«Usynys óte oryndy. Bul rette, jerlesimiz, uly jazýshy Muhtar Áýezovtiń esimine nazar aýdarý jón sııaqty»- dedi Danıal Ahmetov.
