Semeı áýejaıy jóndeý jumystarynan soń qaıta iske qosyldy
Aıta keteıik, áýejaıdyń kúrdeli jóndeý jumystaryna «Nurly jol» baǵdarlamasy aıasynda bıýdjetten 10 mlrd teńgeden astam qarjy bólingen bolatyn.
Sarapshylardyń sózinshe, endi áýejaı halyqaralyq azamattyq avıatsııa talaptaryna tolyqtaı saı. Eni 45 metr, uzyndyǵy 2,5 km ushyp-qoný alańyna tolyqtaı monolıtti beton quıyldy.
Aıta ketetin másele, bul áýejaı 30 jyldan beri jóndeý kórmegen edi.
«Osy kezde jóndeý jumystary tolyǵymen aıaqtaldy deýge bolady. Qazirgi tańda áýejaıdy kógaldandyrý, abattandyrý jumystary júrip jatyr. Ushyp-qoný alańy daıyn, 2 qyrkúıekte Semeı áýejaıyna jóndeýden keıin alǵashqy ushaqtar qona bastaıdy. Aldymen Almaty men Astana qalalalarynan jáne kórshiles shet memleketterden ushaqtar qatynaıtyn bolsa, jaqyn bolashaqta biz Túrkııa Batys Eýropa elderi sııaqty halyqaralyq deńgeıdegi reısterdi de qabyldaı alamyz degen oıdamyn»,-dedi halyqaralyq áýejaıdyń jerústi qyzmetiniń basshysy Marat Jaqsylyqov.