Semeı áýejaıy bıylǵy jazda paıdalanýǵa beriledi
SEMEI. QazAqparat - Semeıdegi áýejaı qurylysy shilde aıynda aıaqtalady, dep habarlaıdy QazAqparat.
40 jyl kúrdeli jóndeý kórmegen Semeıdiń áýejaıynda júrgizilip jatqan jumystarǵa oblys ákimi Danıal Ahmetov oń baǵasyn berdi. Qazirgi tańda ushyp-qoný jolaǵy jańartyldy. Jańadan apattan qutqarý stansysy iske qosylyp, ishki kommýnıkatsııa júıesi tolyǵymen jóndeldi.
22 aıǵa belgilengen jumystar kestege saı júrip jatyr. Qurylys jumystaryn júrgizip jatqan «Tereze» JShS kompanııasynyń bas dırektory Luqbek Tumashınov oblys ákimin atqarylǵan jumystardyń barysymen tanystyrdy.
«Búgingi kúnge deıin áýejaı qurylysyna 6 mlrd teńge qarajat jumsaldy. Onyń óz quny - 10 mlrd teńge. Jumystar keste boıynsha júrgizilip jatyr. Ushý alańy daıyn. Qazir áýejaıdyń ishin tolyq jóneýden ótkizýdemiz. Áýejaı ishki jáne syrtqy reıster boıynsha ekige bólindi. Júk termınaly bolady. Barlyǵyn qalpyna keltirip, osy jyldyń shilde aıyna deıin aıaqtaýǵa tyrysamyz», -dedi merdiger kompanııa basshysy.
Aıta keteıik, Semeıdegi əýejaıdy kúrdeli jóndeýge «Nurly jol» baǵdarlamasy boıynsha 10 mlrd teńge qarjy bólingen edi. Qurlys bitken soń, áýejaı halyqaralyq standarttarǵa saı bolady.
Foto: altaynews.kz
