Semeı ákimi múmkindigi shekteýli balalardyń analarymen kezdesti
SEMEI. QazAqparat - Halyqaralyq áıelder kúni qarsańynda Semeı qalasynyń əkimi Ermak Sálimov múmkindigi shekteýli balalardy tárbıelep otyrǵan analarmen kezdesti. Bul týraly QazAqparat Semeı qalasynyń aqparattyq ortalyǵyna silteme jasap habarlaıdy.
Kezdesý barysynda analar ózderin tolǵandyratyn máseleler týraly aıtyp, qala ákimine suraqtaryn qoıdy. Kún tártibindegi basty taqyryp «Arnaýly áleýmettik qyzmetter kórsetý ortalyǵy» úshin basqa ǵımarat berý. Sebebi, qazirgi ǵımarat normatıvtik talaptarǵa sáıkes kelmeıdi.
«Kishkentaı bólmede 10 kereýet bar. Olar sol jerde uıyqtaıdy, sol jerde oınaıdy. Balalarǵa sabaq kishkentaı dálizde ótkiziledi. Bul ǵımaratta jaǵdaı múldem joq. Bizdiń erekshe balalarǵa keń bólmeler qajet», - dedi jınalǵan analar.
Kezdesý barysynda qalalyq bılik eki jyl buryn áleýmettik mekemege sol kezde bos bolǵan eki ǵımaratty tańdaýǵa usynǵany anyqtaldy. Biraq ártúrli sebeptermen ortalyq basshylyǵy bas tartqan kórinedi.
«Sol ýaqytta ekonomıkalyq lıtseı ǵımaraty bos bolǵan. Biraq qalanyń sheti dep bas tarttyńyz. Sodan keıin biz Áýezov aýdandyq ІІB janyndaǵy ǵımaratty usyndyq. Bul jeke turǵan úı-jaı. Onyń aýdany 1 000 sharshy metr boldy», - dedi qalalyq máslıhat hatshysy Beısenbek Aqjalov.
Ermak Sálimov barlyq taraptardy tyńdap, bul máseleni erekshe baqylaýǵa alatynyn málimdedi. Qala basshysy osy máseleni sheshý úshin birneshe nusqany usyndy.
Qalada bos ǵımaratty tabý nemese memlekettik-jekeshelik əriptestik sheńberinde jańadan salý. Nysanǵa arnalǵan jer telimi bar, tek ınvestor tabý qajet. Kezdesýge qatysýshylar bir aı ishinde taǵy bir ret kezdesetin bolady.
