Semeı ákimdigi qala turǵynynyń 400 myńnan astam shyǵynyn tóleıdi
SEMEI. QazAqparat - Semeıde Ertistegi muzdy jarý jumystary kezinde baspanasy zardap shekken semeılik qala ákiminen materıaldyq shyǵynnyń ornyn toltyrýyn talap etti, dep habarlaıdy QazAqparat.
Eske sala ketsek, 2018 jyldyń 29 naýryzynda Ertis ózenindegi muzdy jarý jumystarynan ózen jaǵasyndaǵy kópqabatty turǵyn úıler zaqymdalǵan bolatyn.
Jarylystyń saldarynan Sátpaev, 87 úıiniń turǵyny Elena Kýlakovanyń da páteriniń jatyn bólmesiniń terezeleri synǵan. Baspanada jumys istegen komıssııa jóndeý jumystaryn 35 myń teńgege baǵalaǵan. Alaıda, Elena bul somaǵa kelispeı, sotqa aryzdanǵan.
Onyń aıtýynsha, baspanasyndaǵy tereze jaqtaýlaryn aýystyrý jumystaryna 323 571 teńge jumsaǵan.
Іsti qaraǵan qalalyq sot qala ákiminen zardap shegýshiniń esebine jalpy somasy 446 289 teńge materıaldyq shyǵyn óteý týraly úkim shyǵardy.
«Sot talapkerdiń ótinishi boıynsha qurylys jáne saýda-sattyq saraptama taǵaıyndap, tekserý júrgizdi. Qurylys-marketıngtik saraptama bekitkendeı tereze jaqtaýlary men áınegi ári qaraı paıdalanýǵa jáne aýystyrýǵa kelmegen. Nátıjesinde talapkerdiń aryzy qanaǵattandyryldy», dedi qalalyq sottyń baspasóz qyzmetinen.
