Semeı aqyldy qalaǵa aınala ma

ASTANA. KAZINFORM — Abaı oblysynyń ákimi Berik Ýálı Semeı qalasynda «Aqyldy qala» baǵdarlamasyn iske asyrý barysymen tanystyrdy. 

— Prezıdent jasandy ıntellektini damytpaı, jahandyq básekege tótep berý múmkin emestigin, tsıfrlyq júıe men jasandy ıntellekt egemen el bolýdyń kepiline, ekonomıkalyq damýdyń qozǵaýshy kúshine aınaldy dep atap ótti. Osy baǵytta oblysta jasandy ıntellekt tehnologııalaryn damytýǵa, olardy túrli salaǵa engizýge jáne tsıfrlyq ınfraqurylymdy jetildirýge baǵyttalǵan jumys júrgizilip jatyr, — dedi Berik Ýálı ortalyq kommýnıkatsııalar qyzmeti alańynda óńirdiń 9 aı ishindegi áleýmettik-ekonomıkalyq damýy týraly esep bere turyp.

Sondaı-aq óńir basshysy Semeı qalasynda «Aqyldy qala» baǵdarlamasyn iske asyrý aıasynda jol kartasy ázirlenip júzege asyrylyp jatqanyn aıtty. 

— Azamattardyń ómir súrý sapasyn arttyrý jáne qalalyq protsesterdi avtomattandyrý maqsatynda barlyǵy 27 joba josparlandy. Búginde onyń jeteýi iske asyryldy, qalǵan 20 joba iske asyrý satysynda, — dep tolyqtyrdy ákim.

Aıta keteıik, Semeıde jańa jylý elektr ortalyǵyn salý boıynsha jedel jumys toby quryldy. 

Sondaı-aq Berik Ýálı Semeıde ónerkásip óndirisin keńeıtý maqsatynda 500 gektar jer bólinetinin málim etti.