Semeı 300 jyldyǵyna oraı kórkeıe túsedi
ÓSKEMEN. QazAqparat - Óskemen jáne Semeı ákimderine zamanaýı talaptardy eskerip, qalalardyń kólik ınfraqurylymy damýynyń bas syzbasyn daıyndaýdy tapsyrdy, dep habarlady «QazAqparat» HAA tilshisi.
Semeıdiń 300 jyldyǵy 2018 jyly atap ótiledi.
Óńir basshysy Danıal Ahmetovtiń aıtýynsha, taıaý ýaqytta Semeı qalasynyń damýy (turǵyn úı salý, kóliktik damý, kóliktik qamtamasyz etý) boıynsha jeke jıyn ótedi. «Qala óziniń 300 jyldyǵyn jańarǵan, zamanaýı turǵyda qarsy alýǵa laıyqty», - dedi Ahmetov.
Ol Semeıde bıyl quny 12 mlrd teńgelik «Abaı-Arena» mádenı-sporttyq keshenin salý bastalatynyn aıtty. Keshen zamanaýı álemdik standarttarǵa jaýap beredi. Onda álemdik deńgeıdegi mádenı-sporttyq sharalar ótedi dep josparlanýda. «Semeı qalasy buǵan ábden laıyq», - dep atap ótti óńir basshysy.
Semeı jáne Óskemen qalalaryndaǵy 2007 jylǵa arnalǵan jumys josparyna qatysty Ahmetov eki qalanyń atqarýshy bılik basshylaryna kólik jelileriniń problemalyq toraptary boıynsha shuǵyl sharalar sheshimin daıyndap, olardy joıýǵa kirisýdi tapsyrdy.
Aıtqandaı, Óskemenniń sol jaǵalaýynda №19 shaǵyn aýdanynda taǵy bir ortalyq qurylatyn bolady.
2016 jylǵa tutastaı óńir damýynyń aldyn ala qorytyndylaryn shyǵarýǵa qatysty aıtar bolsaq, májiliste ekonomıka damýynyń jalpy oń serpini atap ótildi. Atap aıtqanda, jalpy óńirlik ónim 114, 4% ósimmen, 2,6 trln teńge kóleminde bolady dep kútilýde. Ónerkásiptik ónim kólemi 139,7%-ǵa (nemese 406 mlrd teńgege) artty. Jıyntyq mánde ónerkásiptik ónim kólemi 1,4 trln teńgeden asady.
