«Sembol Inshaat» túrik kompanııasy Astana qalasy prokýratýrasynyń aralasýynan keıin ǵana 60 ýaqytsha qyzmetkerine eńbekaqylaryn tóledi
ASTANA. 26 qańtar. QazAqparat - «Sembol Inshaat» AQ Astana qalasy prokýratýrasynyń aralasýynan keıin ǵana 60 ýaqytsha qyzmetkerge eńbekaqylaryn tóledi. Bul týraly qala prokýratýrasynyń baspasóz qyzmeti habarlady.
Astana qalasy prokýrorynyń atyna osy túrik kompanııasynyń bir top jumysshylarynan alǵys hat kelip tústi jáne onda jumysshylar qala prokýrory men prokýratýra ujymyna olardyń jumys berýshimen aradaǵy eńbek daýyn sheshýge atsalysqany úshin alǵysyn bildirgen.
«Sembol Inshaat» AQ-da ýaqytsha jumys jasaǵan 60 jumysshynyń 15 kúndik jalaqysyn tólemedi. Tek Esil aýdanynyń prokýrory Manarbek Sádýov pen aýdan prokýratýrasy qyzmetkerleriniń kómegimen qaryz tolyq óteldi», - dep atap ótilgen hatta.
