Sem Solıman: Golovkın Gıldi bir soqqymen sulatady
ASTANA. QazAqparat - IBF nusqasynyń orta salmaqtaǵy chempıony Sem Solıman aýstralııalyq boksshy Denıel Gıl WBA jáne IBO tıtýlynyń ıegeri Gennadıı Golovkındi jeńe alady dep esepteıdi.
Aıta keteıik, Gıl-Golovkın jekpe-jegi 26 shildede Nıý-Iorkte ótedi dep josparlanǵan.
"Eger Gıl shapshańdyǵy men kúsh-qýatyn barynsha salsa, sol jekpe-jekte jeńiske jetýi bek múmkin", - dep keltiredi Fightnews Solımannyń sózin. - Gıl óziniń eń jaqsy formasyndaǵy tamasha bokser. Biraq oǵan asa saq bolý kerek, sebebi Golovkın bir soqqymen Gıldi sulatyp tastaýy múmkin". Onyń sózine qaraǵanda, Gıl jeńilgisi kelmese, únemi qozǵalyp turýy tıis jáne Golovkınniń joıqyn soqqylaryn ózine jiberip almaýy kerek. "Menińshe, bul kezdesýde ol Golovkındi tek upaımen jeńe alady. Degenmen Gıldi Gennadıden osal deýge bolmaıdy, jeńiske jetkizetin qabiletteri jeterlik", - dep atap ótti ol.
