«Seltık» - «Shahter» 3:0. VIDEO
ASTANA. 29 tamyz. QazAqparat - ÝEFA Chempıondar lıgasynyń irikteý kezeńiniń aqtyq synynda qaraǵandylyq «Shahter» syrt alańda Shotlandııa chempıony «Seltıkke» 0:3 esebimen jol berdi. Sóıtip, Chempıondar lıgasynyń toptyq kezeńine beriletin joldama «Seltıktiń» qanjyǵasyna baılandy.
Birinshi taım 1:0 esebimen shotlandyqtardyń paıdasyna aıaqtaldy. Doptyń avtory - Krıs Kommons. Úzilisten keıin G. Samaras esepti eselep, eki match qorytyndysy boıynsha komandalardyń múmkindikterin teńestirdi. Match aıaqtalýǵa sanaýly mınýttar qalǵanda, jankúıerler qosymsha jarty saǵat fýtbol tamashalaýǵa daıyndalyp jatqanda Forest «Seltık» sapyndaǵy úshinshi dopty soǵyp, kári qurlyqtyń basty týrnıriniń kelesi kezeńine joldamany julyp aldy. Al Eýropa lıgasyna ótken qaraǵandylyqtar óz tarıhynda jáne jalpy elimizdiń tarıhynda tuńǵysh ret jeltoqsanǵa deıin eýrokýboktarda dop tebetin boldy.
Esterińizge sala keteıik, bir apta buryn «Astana-Arenada» ótken alǵashqy match 2:0 esebimen qaraǵandylyqtardyń paıdasyna aıaqtalǵan bolatyn. «Shahter» sapynan Andreı Fınonchenko men Sergeı Hıjnıchenko kózge tústi. Qos match qorytyndysy boıynsha 2:3 esebimen utylǵan «Shahter» Eýropa lıgasynyń toptyq kezeńine joldama aldy. Juma kúni jerebe tartý rásiminde qaraǵandylyqtardyń qarsylastary anyqtalady. Aıta keteıik, bul qazaqstandyq komandalardyń eýrokýboktardyń toptyq kezeńine alǵash shyǵýy.
«Seltık» (Glazgo, Shotlandııa) - «Shahter» (Qaraǵandy, Qazaqstan) 3:0 (1:0)
Goldar: Kommons 45 (1:0), Samaras 48 (2:0), Forrest 90 (3:0)
Eskertýler: Ledlı 68 - Sımchevıch 18, Kanıas 36, Vıchıýs 40, Zenkovıch 85
«Seltık»: Forster, Metıýz, Embroýz, Malgrıý, Lýstıg, Braýn, Kommons (Býrrıgter 79), Ledlı, Samaras, Stoýks, Forrest (van Deık 90)
«Shahter»: Mokın, Vasılevıch, Poryvaev, Djıdıch, Malyı, Sımchevıch, Vıchıýs, Kazarıan, Kanıas, Fınonchenko (Zenkovıch 83), Hıjnıchenko
Bas tóreshi: Sveın Moen (Norvegııa)
28 tamyz. Glazgo. «Seltık Park».
Alǵashqy match: 0:2.
