«Seltık» - «Astana» matchy Qazmedıa ortalyǵynyń bas ekranynan kórsetiledi
ASTANA. QazAqparat - «Seltık» pen «Astana» komandalarynyń alǵashqy matchy 16 tamyzda Glazgoda ótedi, al qarymta kezdesý 22 tamyzda elordada «Astana-Arena» stadıonynda ótedi dep kútilýde, dep habarlaıdy ákimdiktiń resmı saıty.
16 tamyzdan 17 tamyzǵa qaraǵan túni saǵat 00.45-te «Astana» jáne «Seltık» komandalary arasynda ótetin oıyn Arbatta jazǵy kınoteatrdyń ekranynda jáne Qazmedıa ortalyǵynyń Nurjol jelekjoly jaǵynda ornatylǵan bas ekranynan tikeleı efırde kórsetiletin bolady. Oıyn Eýropa fýtbolyndaǵy eń bedeldi týrnır - ÝEFA Chempıondar lıgasynyń aıasynda ótpek.
Esterińizge sala keteıik, aǵymdaǵy maýsymda «Astana» FK eýropalyq týrnırdiń 2 jáne 3 irikteý kezeńderinen súrinbeı ótti, Elordalyq komanda Latvııanyń «Spartak» (1:0, 1:1) jáne polshalyq "Legııa" (3:1, 0:1) komandalaryn utqan bolatyn. «Astananyń» qarsylasy «Seltık» komandasy Soltústik Irlandııanyń "Lınfıld" (2:0, 4:0) jáne norvegııalyq "Rýsenborg" (0:0, 1:0) klýbtaryn utqan.
