Selge baılanysty «Shymbulaq» týrıster úshin jabyldy
Demalys orny ákimshiliginiń málimetinshe, búgin Shymbulaq sanıtarlyq kúnge jabylady. Sebebi, sel júrip jaıaý júrginshiler kópiri men sý alatyn qubyr isten shyqty.
«21 shildede Tuıyq-Sý Alpi lageriniń mańynda Kishi Almaty ózeninde tabıǵı apat boldy – sel júrip, jaıaý júrginshiler kópiri qırady, sý qabyldaǵysh isten shyqty. Sonyń saldarynan Shymbulaqta sý berý toqtatyldy. Bizdiń mamandar sý qabyldaǵysh stantsııany laıdan tazartý jumystaryn qarqynmen júrgizip jatyr. Qolaısyzdyqtar úshin keshirim suraımyz», - delingen habarlamada.
Almaty qalasy Tótenshe jaǵdaılar departamentiniń ókilderi aýa temperatýrasynyń joǵarylaýynan jáne muzdyqtardyń erýine baılanysty Kishi Almaty shatqalynyń saǵasyndaǵy sý deńgeıi kóterilip, lastanyp, ishýge jaramsyz kúıge túskenin atap ótti. Qazir Almaty taýlarynda jaǵdaı turaqty jáne Tótenshe jaǵdaılar departamentiniń baqylaýynda. Morena kólderiniń tasý qaýpi joq.
