Selfı jigitti 99 jylǵa túrmege qamalýdan qutqardy
ASTANA. QazAqparat - Tehas turǵyny (AQSh) ózin asa aýyr qylmys jasady degen aıypqa qatysy joqtyǵyn dáleldeı aldy. Tergeý oryndary buǵan selfıdegi sýretti negizge alǵan, dep habarlaıdy KVUE telearnasy.
Krıstofer Prekopııa osydan tap bir jyl buryn tutqynǵa alyndy. Burynǵy qyzy jas jigitti qastandyq jasady dep aıyptaǵan. Boıjetkenniń aıtýynsha, Krıstofer úıine basa-kókteı kirip, pyshaqpen keýdesindegi kresti kesip alǵan.
Prekopııa bolsa, tap shabýyl jasaǵan ýaqytta óz otbasymen qylmys ornynan 65 shaqyrym jerde qonaqúıde keshki as iship jatqandyǵyn aıtady. Biraq polıtsııa qyzdyń sózine sengen. Aıyptaýshylar Krıstoferdi 99 jylǵa bas bostandyǵynan aıyrýdy talap etken. Keıinirek týystaryna sottyń bosatýy úshin kepilge 150 myń dollar berýge týra keldi.
Er adamnyń kinásizdigin selfıdiń kómegimen tolyqtaı dáleldeýdiń sáti tústi. Prekopııanyń anasy shabýyl jasalǵan kúni kúlli januıasymen birge qonaqúıde keshki tamaq ústinde fotoǵa túsip, onyń áleýmettik jelige salynǵanyn eske túsiredi. Osy sýretti Feısbýkten kórgen polıtsııa sendirerlik dálel retinde qabyldady.
Keıinirek málim bolǵandaı, jigiti tastap ketken qyz osylaısha kek almaq bolǵan.
