Selfı jasaımyn dep XVIII ǵasyrdyń músinin qıratty
ASTANA. QazAqparat - Lıssabonda (Portýgalııa) Ulttyq ejelgi óner mýzeıin aralap júrgen týrıst selfı jasamaq bolǵan kezinde XVIII ǵasyrdyń basyndaǵy músindi edenge qulatty.
Bul týraly Daily Mail habarlady.
Ázirge aty-jóni atalmaı otyrǵan Brazılııa saıahatshysy Mıhaıl perishteniń aldynda turyp, óz portretin túsirmekke árekettengen.
Basylymynyń aqparatyna qaraǵanda, ol keıin shegingen sátte ara qashyqtyqty eseptemegen jáne baıqamastan óner týyndysyn ıterip jibergen. Músin jerge qulap, byt-shyty shyqqan kórinedi.
Sarapshylardyń qorytyndysyna qaraǵanda, qıraǵan músindi qaıta qalpyna keltirý múmkin emes.
