Selfı jasaý úshin Lıssabondaǵy kóne eskertkishke shyǵyp alǵan týrıst ony qıratty
ASTANA. QazAqparat - Lıssabon vokzalynda selfı sýretke túskisi kelgen týrıst Portýgalııa koroliniń kóne statýıasyn qıratty, dep jazady The Independent basylymy.
Jaqynda aty almaı otyrǵan týrıst Lıssabondaǵy Rosıý vokzalynda 126 jyl buryn Portýgalııa koroline ornatylǵan eskertkishti abaısyzda qıratyp alǵan. Saıahatshy selfı jasaý úshin eskertkishke ústine shyqqanda, onyń salmaǵyn kótere almaǵan statýıa jerge qulap túsip, qırap qalǵan.
Týrıst oqıǵa ornynan qashyp ketkisi kelgenimen ony polıtsııa qyzmetkeri ustap aldy. Aldaǵy ýaqytta ol sotqa tartylady.
Vandal qıratqan eskertkish Súıikti Sebastıan I-ge arnalǵan, ol 1578 jyly qazirgi Mrokko aýmaǵynda úsh patshalyqtyń soǵysynda qaza tapqan.
