Selfı jasaý úshin elektr baǵanasyna shyqqan jasóspirimdi toq soqty – Almaty oblysy
ALMATY OBLYSY. QazAqparat -Almaty oblysynda smartfon kamerasynyń kómegimen biregeı selfı-avtoportret jasaýǵa áreket jasaǵan kezde jazataıym oqıǵa boldy, dep habarlaıdy QazAqparat Polisia.kz-ke silteme jasap.
1 shilde kúni keshki saǵat toǵyz shamasynda Almaty oblysy Іle aýdany Chapaev aýylynda 2005 jyly týǵan jasóspirim selfı – sýret túsirilimin jasaý úshin, óziniń úıiniń janyndaǵy kóshedegi elektr baǵanasyna shyqqan. Elektr toǵy soǵýynyń saldarynan ol jerge qulap, eki qoldyń 1,2,3,4 dárejeli elektrlik kúıýin, jabyq bas súıek-mı jaraqatyn, 1-2 dárejeli travmatıkalyq shok alǵan.
Ol Іle aýdanynyń aýrýhanasyna jatqyzyldy. Dárigerler jasóspiriminiń jaǵdaıyn aýyr dep baǵalap otyr.
