Selfı jasamaq bolǵan áıel Qaskeleń ózenine aǵyp ketti
ALMATY. QazAqparat - Almaty oblysyndaǵy Qaskeleń ózenine 35 jastaǵy áıel aǵyp ketti, dep habarlaıdy QazAqparat tilshisi.
Qaıǵyly oqıǵa keshe Qaskeleń qalasyndaǵy «Nurly taý» demalys ornynda bolǵan.
Respýblıkalyq jedel qutqarý jasaǵynyń mamandary áıeldiń denesin keshki 9-dan bastap izdegen.
«3 saǵattan soń marqumnyń denesi qulaǵan jerinen qashyq jerden tabyldy. Іzdestirý jumystary kúnniń batýyna baılanysty biraz ýaqytqa sozyldy. Áıeldiń denesi sý astyndaǵy qoqys pen butaqtarǵa oralyp qalǵan», - dedi RJQJ qutqarýshy medbıkesi Ekaterına Klochko.
Oqıǵa kýágerleriniń aıtýynsha, áıel tas ústine shyǵyp sýretke túspek bolǵanda baıqamaı ózenge qulap ketken.
