Selfı adamdardy baqytty qylady - ǵalymdar
ASTANA. QazAqparat - Kúlimsirep túsirgen selfı kóńildi kóteredi. Sýretti dostarmen bólisken tipti jaqsy, dep sanaıdy Kalıfornııa ýnıversıtetiniń (AQSh) ǵalymdary.
Olar erikti stýdentterdiń qatysýymen tájirıbe ótkizdi. 28 qyz ben 13 jigit ǵalymdarǵa kómektesýge nıet tanytty, dep habarlady The Siasat Daily.
Olar tórt apta boıy qalypty jaǵdaıda ómir súrdi - sabaqqa bardy, úı tapsyrmasyn oryndady, dostarymen kezdesti. Buǵan deıin qatysýshylar birqatar suraqqa jaýap berdi. Ǵalymdar eriktilerge smartfondaryna selfı túsirýge jáne kóńil-kúıdi jazýǵa arnalǵan túrli qosymshalardy júkteýge kómektesti.
Rosbalt atap ótkendeı, qatysýshylardy úsh topqa bóldi. Birinshisinen kúlimsirep selfı jasaýdy, ekinshisin olardy baqytty qylatyndardyń fotosyn túsirýge, úshinshilerden ózge adamǵa unaıtyn nárseni túsirýdi surady.
2900-ǵa jýyq jazbany saraptaı kele, ǵalymdar eriktilerdiń kóńil-kúıleri jaqsarǵanyn ańǵardy. Zertteýden keıin birinshi toptaǵy qatysýshylardyń ózine degen senimi artty. Ekinshi toptaǵy eriktiler kóbirek oılanyp, kóptegen nárseni baǵalaı bastady. Al úshinshi toptaǵy stýdentterdiń sabyry artty. Sondaı-aq olar dostary jáne týysqandarymen foto almastyrý kúızelisti joıýǵa kómekteskenin atap ótti.
