Seleznov atyndaǵy Almaty horeografııa ýchılışesiniń dırektoryn óltirgen kúdikti qolǵa tústi

Bul týraly búgin QR Іshki ister mınıstrligi Memlekettik til jáne aqparat departamentiniń basshysy Nurdildá Oraz málim etti.

«21 shildede Almatynyń jedel basqarý ortalyǵyna Medeý aýdanyndaǵy páterlerdiń birinde jaraqattanǵan 55 jastaǵy áıeldiń tabylǵandyǵy týraly habarlama kelip tústi. Keıin jábirlenýshi Seleznov atyndaǵy Almaty horeografııa ýchılışesiniń dırektory Qarlyǵash Myrzahanova pyshaq jaraqatynan aýrýhanada qaıtys boldy», - dedi ol.

Onyń atap ótýinshe, kúdikti jábirlenýshiniń páterine aldaý arqyly kirgenen keıin oǵan pyshaq jaraqatyn salyp, páterden baǵaly zattar alyp ketken. Qazirgi ýaqytta kúdikti retinde esh jerde jumys istemeıtin Almaty oblysynyń 28 jastaǵy turǵyny anyqtalyp, keshe tutqynǵa alynǵan. Ol qylmysyn moıyndap ta otyr.

«Qazirgi ýaqytta QR Qylmystyq kodeksiniń 96 baby boıynsha qylmystyq is qozǵalyp, urlanǵan zattar tárkilendi», - dedi N.Oraz.