Sel tasqyny jaıly jalǵan aqparat taratýshylar jaýapkershilikke tartylady - Almaty q. ІІD
ALMATY. QazAqparat- Almatyda Qarǵaly ózeninde oryn alǵan sel tasqyny jaıly áleýmettik jeliler arqyly jalǵan aqparat taratqan azamattar jaýapkershilikke tartylady. Bul týraly búgin Almatyda qalasynda ótken baspasóz máslıhatynda Almaty q. ІІD baspasóz qyzmetiniń jetekshisi Saltanat Ázirbek málim etti.
«Qazir Almaty qalalyq ishki ister departamentinde arnaıy tergeý operatıvtik toby quryldy. Bul top sel tasqyny jaıly uıaly telefondar jáne áleýmettik jeliler arqyly taratylǵan jalǵan aqparattardy, beınekórinister men fotosýretterdi zerttep jatyr. Jalǵan aqparattardy taratýshylardyń aty-jónderi anyqtalyp, olar jaýapqa tartylatyn bolady. Mundaı jalǵan aqparattardy taratý QR Qylmystyq Kodeksiniń 274-shi babynyń 2-shi tarmaǵy boıynsha qylmystyq áreket bolyp tabylady. ıAǵnı, zań boıynsha mundaı aqparattardy taratýshylarǵa qatysty 5 myń aılyq eseptik kórsetkish kóleminde aıyppul salý nemese 2 jyldan 5 jylǵa deıin bas bostandyǵynan aıyrý jazasy qarastyrylǵan», - dedi S.Ázirbek.
Sonymen qatar ol qazir sel tasqyny bolǵan aımaqta qazir polıtsııa qyzmetkerleri jumys istep jatqandyǵyn jetkizdi.
«Qazir sel tasqyny bolǵan aımaqta barlyǵy 500-ge tarta polıtsııa qyzmetkerleri qoǵamdyq tártipti saqtaý boıynsha óz mindetterin atqaryp jatyr. Oqıǵa aımaǵyna birqatar baqylaý pýnktteri ornatyldy. Qazirgi sátte qandaıda da bir qylmystar nemese qaraýsyz qalǵan úılerdi tonaý áreketteri tirkelgen joq», - dedi S.Ázirbek.
