Sekýndyna 10 trıllıon kadr túsiretin kamera jasaldy - Daily Mail

None
None
ASTANA. QazAqparat -  Daily Mail basylymynda AQSh jáne Kanada ǵalymdary jasaǵan sýretke túsirýdiń jańa tehnologııasy týraly maqala jaryq kórdi. Onda Kanadanyń Ulttyq ǵylymı zertteý ınstıtýtynyń professory Tszınan Lıan bastaǵan bir top ǵalym álemdegi eń jyldam kamerany qurastyrǵany jáne jańa tehnologııa týraly Light: Science & Applications ǵylymı jýrnalynda jan-jaqty jazylǵany aıtylǵan.

«Bul kamera T-CUP dep atalady jáne ol sekýndyna 10 trıllıon (1013) kadr túsiredi. ıAǵnı, kamera ýaqytty toqtatqandaı áser qaldyryp, jaryqqa deıingi fenomenderdi qaraýǵa múmkindik beredi», - dep jazady basylym.

«Femtosekýndty kamera arqyly sýretke túsirgende onyń sapasy buzylatyny belgili. Sol sebepti biz jańa tehnologııa jasaý barysynda jaqsy nátıjege qol jetkizý úshin statıkalyq sýret alatyn taǵy bir kamerany qostyq. Radondy transformatsııa arqyly biz sekýndyna 10 trıllıon joǵary sapaly kadr jasaı alatyn kamera jasap shyǵardyq», - deıdi ǵalymdar.

Maqala avtorynyń aıtýynsha, bul kamera kadr sany boıynsha álemde rekord jasap tur. Sondaı-aq, T-CUP bolashaqta bıomedıtsınadaǵy jańa mıkroskoptar jasaý barysynda qoldanylýy múmkin.

«Bul - ǵylymdaǵy erekshe jańalyqtardyń biri», - deıdi avtor. 

Сейчас читают
telegram