Pavlodar oblysynda daýyldan bir adam qaza taýyp, ondaǵan nysan zaqymdandy
PAVLODAR. KAZINFORM — Pavlodar oblysyndaǵy daýyldy jeldiń saldarynan bir adam qaza tapty, 16 adam jaraqat aldy. Bul týraly Pavlodar oblysy ákiminiń baspasóz qyzmeti habarlady.
19 maýsym kúni Pavlodar oblysynda jyldamdyǵy sekýndyna 43 metrge deıin jetetin daýyldy jel tirkeldi. Daýyldy jel ınfraqurylymǵa aıtarlyqtaı zııan keltirip, saldarynan elektr qýaty sónip qaldy. Bir adam qaza taýyp, birneshe adam zardap shekti.
Tótenshe jaǵdaılar qyzmetiniń málimeti boıynsha, 16 adam zardap shekken, onyń ishinde úsh bala. Aqsýda 1968 jyly týǵan turǵyny kóz jumdy.
— Oblys ortalyǵynda 47 nysannyń, onyń ishinde 6 áleýmettik mekemeniń shatyryna zaqym keldi. Aqsý men Ekibastuzda 23 nysan, Baıanaýyl aýdanynda — 7 nysan zaqymdanǵan, sondaı-aq Maı jáne Pavlodar aýdandarynda ǵımarattardyń zaqymdanýy tirkeldi.
Oblystyń qalalary men aýdandarynyń elektrmen jabdyqtaý jelilerinde aqaýlar baıqalady. Qazirgi ýaqytta Aqsý qalasynda jáne Baıanaýyl aýdanynda elektr qýatynyń óshýi tirkelip otyr.
Qazirgi ýaqytta bolǵan apattyń saldaryn joıý boıynsha jumys istelip jatyr. Baılanys jáne elektrmen jabdyqtaý jelileriniń 16 baǵanasy qalpyna keltirilip jatyr. 300-den astam adam jáne 103 arnaıy tehnıka jumyldyrylǵan, — delingen habarlamada.
Barlyq shuǵyl áreket etý qyzmetteri kúsheıtilgen rejımde jumys istep jatyr.