Sektalardan zardap shekkenderdiń sany 500-den asyp otyr

Bul týraly búgin Astanada ótken baspasóz máslıhatynda QR Úkimeti janyndaǵy Dinı birlestiktermen baılanys qyzmetiniń múshesi, QR Din isteri agenttiginiń sarapshysy, «Destrýktıvti dinı qyzmetten zardap shekkenderge kómek kórsetý ortalyqtary qaýymdastyǵy» ZTB dırektory ıÝlııa Denısenko málim etti.

«Bizdiń qaýymdastyqqa búkil el aımaqtarynda ornalasqan 14 ortalyq kiredi. Osy ortalyqtarǵa 2011 jyly 2084 adam, 2012 jyly 2621 adam habarlassa, 2013 jyly olardyń sany birshama ósti. Bir aıda 200-den astam adam bizden kómek suraıdy. Biraq olardyń barlyǵy ekstremıstik uıymdardan zardap shekkender degen sóz emes. Adamdar din jaıynda bilgileri keledi, sektalardyń zańsyz qyzmeti týraly habarlaıdy. Bıyl sektalardan tikeleı zardap shekkenderdiń sany 500-den asyp otyr. Árbir ortalyqta olarmen kásibı teologtar, dintanýshylar, psıhologtar, áleýmettanýshylar, zańgerler jumys jasaıdy», - deıdi ıÝ.Denısenko.

Onyń aıtýynsha, álgilerdiń kópshiligi - jastar. Olardyń basym bóligin ońaltý óte aýyr tıip otyr.

«14 jáne 30 jas aralyǵyndaǵy jastar ekstremıstik, destrýktıvti baǵyttaǵy uıymdardyń eń negizgi nysany. Sebebi olar halyqtyń eń belsendi músheleri ári kóp jyldar boıy sol uıymnyń múddesine qyzmet ete alady, ózge adamdardy uıym qataryna tartý jumystaryn júrgize alady. Eýropalyq zertteýshilerdiń málimeti boıynsha, tabynýshylyq-mıstıkalyq, sektalyq uıymdardyń qyzmetinen zardap shekken adamdy qaıta aıyqtyrýǵa, qoǵamǵa tartýǵa 12 jylǵa deıin ýaqyt qajet», - dedi sarapshy.

Jalpy Qazaqstanda 19 tabynýshylyq-mıstıkalyq, ekstremıstik sekta zańsyz dep tabylyp otyr. Osy tizimderdi negizge ala otyryp, ortalyq qyzmetkerleri stýdentter men oqýshylar arasynda túsindirý jumystaryn júrgizip keledi. Máselen, 1-6 qarasha kúnderi ótken arnaıy aktsııa barysynda 500-den astam adamǵa túsindirý jumystary júrgizildi.