Sekseýil kesýge bes jyldyq tyıym salynady
«Ashyq NQA» portalynda Orman sharýashylyǵy jáne janýarlar dúnıesi komıtetiniń sekseýil kesýge tyıym salý týraly buıryǵynyń jobasy kópshilik talqylaýyna shyǵaryldy, dep habarlaıdy Kazinform.
«Ýran ken oryndaryn qazyp shyǵaratyn jáne memlekettik orman qorynyń qubyr jelisi ótetin jerlerde jappaı kesýdi qospaǵanda, Qazaqstan Respýblıkasynyń memlekettik orman qory ýchaskelerindegi sekseýil ekpelerinde aǵash kesýdiń barlyq túrine 2028 jylǵy 31 jeltoqsanǵa deıin tyıym salynsyn», - delingen qujatta.
Atalǵan buıryqtyń oryndalýyn oblys ákimdikteri qadaǵalaıdy.
Keıingi jyldary Qazaqstanda sekseýildi ekologııalyq apat aımaqtaryna egý tájirıbesi jıi qoldanyla bastady. Mysaly, 2021-2025 jyldar aralyǵynda Araldyń tabanyna 1,1 mln ga aýmaqqa sekseýil egý jospary iske asyrylyp jatyr.
Sondaı-aq 2022 jyldan beri Mańǵystaýda «Qoshqar ata» qaldyq qoımasynyń mańyna jasyl qorǵanys aımaǵyn jasaý úshin 88,2 gektar jerge qara sekseýil egile bastady.
