SEQ komıteti saýda, oıyn-saýyq ortalyqtarynyń qalaı jumys isteıtinin túsindirdi

NUR-SULTAN. QazAqparat - Sanıtarııalyq-epıdemıologııalyq baqylaý komıteti 2021 jylǵy 6 tamyzda jarııalanǵan saýda-oıyn-saýyq ortalyqtarynyń jumys rejımin uzartý týraly aqparatqa túsinikteme berdi, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

2021 jylǵy 29 shildede «Kásipkerlik obektilerinde «Ashyq» jobasyn engizý týraly» Qazaqstan Respýblıkasy Bas memlekettik sanıtarııalyq dárigeriniń №33 Qaýlysy (budan ári – №33 BMSDQ) qabyldandy.

«Ashyq» jobasyna qatysatyn áleýmettik-ekonomıkalyq obektilerdiń qyzmetin shekteý krıterıılerine (№33 BMSD-ǵa 4-qosymsha) sáıkes SOO «jasyl» jáne «sary» aımaqtarda shekteýsiz jumys isteý rejımimen jobaǵa qatysýǵa jiberildi, «qyzyl» aımaqtarda senbi jáne jeksenbi kúnderi saǵat 10.00-den 22.00-ge deıin jumys isteýge ruqsat, «qoıý qyzyl» aımaqta saǵat 07.00-den 20.00-ge deıin qyzmet kórsete alady.

Bul rette, №33 BMSDQ-nyń 9-tarmaǵyna sáıkes 2021 jylǵy 2 tamyzdan bastap 5 óńirde – Nur-Sultan, Almaty, Shymkent, Atyraý jáne Qaraǵandy qalalarynda demalys kúnderine shekteý sharalary engizildi.

№33 BMSDQ-nyń 11-tarmaǵyna sáıkes tıisti aýmaqtaǵy kóliktegi Bas memlekettik sanıtarııalyq dárigerler «Ashyq» jobasyn iske asyrý máseleleri boıynsha atalmysh Qaýlyny basshylyqqa alady jáne «jasyl», «sary», «qoıý qyzyl» aımaqtardaǵy jobaǵa qatysýshylarǵa qatysty karantın talaptaryn qatańdatý týraly sheshim qabyldaýǵa quqyly emes.

Sonymen qatar «qoıý qyzyl» aımaqtarda 2021 jylǵy 9 tamyzdan bastap «Ashyq» kóshbasshylary» mártebesi bar nysandarǵa saǵat 00.00-ge deıin, basqa nysandarǵa («Ashyq» qatysýshylaryna) saǵat 22.00-ge deıin jumys isteýge ruqsat berildi.

№33 BMSDQ-nyń 4-qosymshasyna sáıkes «qoıý qyzyl» óńirlerde «Ashyq» jobasy qatysýshylarynyń jumys rejımine qoıylatyn talaptar 2021 jylǵy 9 tamyzǵa deıin kúshinde bolady.

«Qoıý qyzyl» aımaq densaýlyq saqtaý júıesine júktemeni baǵalaý matrıtsasynyń krıterııi bolyp tabylady - bul bir aptalyq kezeń ishinde táýekeldiń shekti deńgeıindegi (ınfektsııalyq tósekterdiń toltyrylý kórsetkishi 70%- an joǵary jáne 100 myń turǵynǵa shaqqanda tósekterdiń toltyrylý kórsetkishi 200-den joǵary bolǵan kezde) kórsetkish.

Osyǵan baılanysty aǵymdaǵy jylǵy 9 tamyzda tıisti sharalar qabyldaý úshin densaýlyq saqtaý júıesine júktemeni sáıkes ólshemsharttar boıynsha baǵalaý júzege asyrylatyn bolady