Segizinshi saılanǵan Parlamenttiń tórtinshi sessııasy resmı túrde ashyldy

ASTANA. KAZINFORM — Búgin Parlament palatalarynyń birlesken otyrysynda segizinshi saılanǵan Parlamenttiń tórtinshi sessııasy resmı túrde ashyldy.

- Búginnen bastap Parlamenttiń tórtinshi sessııasy óz jumysyn bastaıdy. 8 qyrkúıekte Parlamenttiń birlesken otyrysy ótedi. Onda Prezıdentimiz jyldaǵy dástúr boıynsha halyqqa Joldaýyn jarııalap, aldymyzǵa jańa mindetter qoıady, - dedi Májilis spıkeri Erlan Qoshanov.

Aıta keteıik, osy kúnderi Memleket basshysy Qasym-Jomart Toqaevtyń Qytaıǵa resmı sapary ótip jatyr. Osyǵan baılanysty «QR Parlamenti jáne onyń depýtattarynyń mártebesi týraly» Konstıtýtsııalyq zańnyń 6-baby 5-tarmaǵyna sáıkes, Májilis tóraǵasy Erlan Qoshanov Prezıdent tapsyrmasymen segizinshi saılaǵan Parlamenttiń tórtinshi sessııasyn ashty.

Birlesken otyrysqa Senattyń 50 depýtaty jáne Májilistiń 97 depýtaty qatysyp jatyr.

Sonymen qatar jıynǵa Prezıdent Ákimshiliginiń basshylyǵy, Premer-mınıstr Oljas Bektenov, Memlekettik keńesshi Erlan Qarın, ortalyq memlekettik organdardyń basshylary shaqyryldy.

Eske salsaq, tamyz aıynyń sońynda Májilis tóraǵasy Erlan Qoshanov Parlament Palatalarynyń birlesken otyrysyn shaqyrý týraly Ókimge qol qoıdy. 

– Qazaqstan Respýblıkasy Konstıtýtsııasynyń 58-baby 4-tarmaǵynyń 2) tarmaqshasyna sáıkes Qazaqstan Respýblıkasy Parlamenti Palatalarynyń birlesken otyrysy 2025 jylǵy 2 qyrkúıekte saǵat 11.00-de Astana qalasynda shaqyrylsyn, – dep jazylǵan Ókim mátininde.

Budan buran habarlanǵandaı, Memleket basshysy Qasym-Jomart Toqaev 8 qyrkúıek kúni Parlament palatalarynyń birlesken otyrysynda Qazaqstan halqyna Joldaýyn jarııalaıdy.