Segiz jasar shabandoz qyz jańa jylda armandaǵan tulparyna qol jetkizdi

PAVLODAR. KAZINFORM — Jańa jyl merekesi pavlodarlyq ıAsmına Qojanova úshin naǵyz ǵajaıyp kezeńge aınaldy. Ol áleýmettik jelidegi qoldaýshylarynyń arqasynda ózi armandaǵan tulparyn tizgindep, qýanyshqa bólendi.

Bıylǵy jańa jyl merekesi aldynda ıAsmına jergilikti «Tulpar Pavlodar» at klýbynyń Instagram paraqshasynda «eger paraqsha 10 myń jazylýshy jınasa, onyń óz aty bolý armany oryndalar edi» degen úmitin bildirgen edi. Jetkinshektiń bastamasy kópshiliktiń keń qoldaýyna ıe bolyp, nátıjesinde jazylýshylar sany 17 myńnan asty.

— Biz ıAsmınanyń ıdeıasyn qoldadyq, al nátıje kútkennen de joǵary boldy. Bul adamdardyń ıgi ister úshin birige alatynyn kórsetti, — dep atap ótti at klýbynyń ókilderi.

Tulpar tabystalǵan sátte ıAsmına shynaıy alǵysyn bildirip, tálimgerlerine jáne óz armanynyń oryndalýyna atsalysqan barlyq janǵa rızashylyǵyn jetkizdi.

ıAsmına kishkene kezinen atqumar bolyp ósken. Bul erekshelik oǵan ákesinen daryǵan. Onyń alǵashqy ustazy da ákesi. Nusqaýshylar qyzdyń tabıǵı qabiletin erekshe atap ótedi: ol attyń kóńil kúıin sezinip, ony qoryqpaı, senimdi túrde basqara alady. Bos ýaqytyn ol kóbine at ústinde ótkizedi.

Eske sala keteıik, mektep oqýshylaryna aptasyna 2 ret jylqy eti beriledi.